ИСЛАМ ҒЫЛЫМИ-ЗЕРТТЕУ ИНСТИТУТ ДИРЕКТОРЫ ҚАЗҰУ СТУДЕНТТЕРІНЕ ДӘРІС ОҚЫДЫ

Әл-Фараби атындағы Қазақ ұлттық универсиетінің филология факультетінде ҚМДБ Ислам ғылыми-зерттеу институтының директоры, ҚМДБ Ғұламалар кеңесінің мүшесі, ф.ғ.к., доцент «Қазақ әдебиеті және дәстүрлі ислам құндылықтары» тақырыбында көшбасшылық дәрісін оқыды.

Зерттеуші ғалым өз дәрісінде институт директоры дәстүрлі рухани жазба мұраларының тарихына, тілдік және жанрлық ерекшеліктеріне тоқталды. Қазақ жазба әдебиетінің тамыры әріде жатқандығын сөз етті. Дәріс соңында оқытушылар мен студенттер көкейтесті сауалдарын қойып, ғылыми негізде тұшымды жауаптар алды.

Қазақ әдебиеті және әдебиет теориясы кафедрасы меңгерушісі, профессор Темірболат Алуа Берікбайқызы институт директорына өз ризашылығын білдірді. Алдағы уақытта да дәстүрлі ислам құндылықтары мен рухани жазба мұралары жайлы дәрістер оқуға шақырды.

Тағылымы мол дәріске факультеттің оқытушылары мен білім алушылары және білім ізденіп жүрген қонақтар қатысты.

Бауыржан Мырзақұлов,
«Әдебиеттану» мамандығының 1-курс докторанты
Г.Ж. Болатова
Педагогикалық практика жетекшісі, ф.ғ.д., аға оқытушы