«ХІХ ғасыр поэзиясындағы азаттық сарыны Тарихи өлең — жырлар»
«Сапалы білім» аясында Филология факультеті «Қазақ әдебиеті және әдебиет теориясы» кафедрасының ұйымдастырумен «XIX ғасыр қазақ әдебиеті» пәні бойынша «ХІХ ғасыр поэзиясындағы азаттық сарыны. Тарихи өлең -жырлар» тақырыбында ашық дәріс және семинар сабақтары өтті.
Ашық дәріс және семинар сабақтарын педагогикалық практика негізінде «Қазақ әдебиеті және әдебиет теориясы» кафедрасының доценті, филология ғылымдарының кантидаты аға оқытушы Қосанов Серікбай Қылышбайұлының, сондай-ақ, «Қазақ әдебиеті және әдебиет теориясы»кафедрасының аға оқытушысы, ф.ғ.д. Болатова Гүлжан Жамбылқызының жетекшілігімен «6B01701- Қазақ тілі мен әдебиеті» мамандығының студенттеріне «8D02310 — Инновациялық әдебиеттану» мамандығының 1-курс докторанты Кәдірханова Сандуғаш Серікбайқызы жүргізді.
Ашық дәріс сабағының мақсаты – ХІХ ғасыр поэзиясындағы азаттық тақырыбы мен азаттық жолындағы күресті сипаттайтын «Исатай-Махамбет», «Бекет батыр», «Досан батыр», «Жанқожа батыр» жырларының тарихилығы, жанрлық сипатын, идеялық-мазмұндық мәнін айқындау болды. Семинар сабағы дәрісте алынған теориялық ақпаратты тәжірибе жүзінде қолдану үшін студенттердің шығармашылық, логикалық ойлау жүйесін дамытуды, идеялық-мазмұндық мәнін түсіндіруді, тәрбиелік мәнін ұғындыруды мақсат етті.
Сабақ барысында дәстүрлі дәріс форматымен қатар дәріс-презентация және дәріс-дискуссия түрлері өзара байланыста жүзеге асты. Семинар сабағында шығармашылық және топтық жұмыс, сұрақ—жауап, мазмұндық талдау, интерактивті әдістер қолданылып, студенттер сабаққа белсенді қатысты. Ашық дәріс және семинар сабақтарында жаңа тақырыпты талқылау мен студенттер тарапынан қойылған белсенді сұрақтарды талдау жұмысы қарастырылды. Аталмыш сабақтар жоғары ұйымдасқан әдістемелік деңгейде өтті және мақсат-міндеттері орындалды.
