“Тең қоғам” жобасының жүзеге асырылуына арналған баспасөз конференциясы.
2025 жылғы 23 сәуірде Алматы қаласының Бостандық ауданында мүмкіндігі шектеулі азаматтарды қолдауға арналған “Тең қоғам” жобасы ресми түрде іске қосылды. Бұл бастама “BAQYTTYÑ JOLYNDA” қоғамдық қорының ұйымдастыруымен жүзеге асып, арнайы баспасөз конференциясы барысында таныстырылды.
Жобаның мақсаты
“Тең қоғам” орталығы мүмкіндігі шектеулі жандар үшін жан-жақты қолдау көрсететін кеңістік ретінде құрылды. Орталық азаматтарға заңгерлік және психологиялық кеңес беру, жұмыспен қамтуға жәрдемдесу, әлеуметтік бейімделу мен қолжетімді орта мәселелері бойынша көмек көрсету сияқты қызметтерді ұсынды.
Мәселенің өзектілігі
Қазақстанда 700 мыңнан астам мүмкіндігі шектеулі азамат бар, олардың ішінде 98 мыңнан астамы балалар, 76 мыңнан астамы ересектер. Алматы қаласында 59,8 мыңнан астам осындай азаматтар өмір сүреді. Мемлекеттік қолдауға қарамастан, олардың жұмыспен қамтылу деңгейі төмен, қолжетімді орта мен қызметтер жеткіліксіз болып қала берді.
Жоба осы күрделі мәселелерді шешуге бағытталды. Баспасөз конференциясында спикерлер мүмкіндігі шектеулі жандардың құқықтарын қорғау, олардың қоғамдық өмірге белсенді араласуы, инфрақұрылымның бейімделуі туралы сөз қозғады.
Ұйымдастырушылар БАҚ өкілдерін, үкіметтік емес ұйымдарды және барлық мүдделі тараптарды жобаға қолдау көрсетуге шақырды.
Бұл бастама инклюзивті қоғам қалыптастыруға айтарлықтай үлес қосты. Қоғамның әрбір мүшесіне тең мүмкіндік беру — әлеуметтік дамудың маңызды бөлігі!
